Sponsored
Search
Navigation

ICHI AMANWỤRỤ

AMANWỤRỤ
ndị dere ya bụ Igwe Chinọnso, Nnebedum Chịdịọgọ, Nzenwakụ Chiamaka, Nwigboji Chukwuka, Nwankwọ Ụzọma, Mụọ Chinenye, Chukwuemeka Chiekezie
(zitere anyị ajụjụ gị site na richploughman@yahoo.com)

N’ala Igbo dịka n’ebe ndị ọzọ dị iche iche n’ụwa, a na-echi echichi dị iche iche. Echichi bụ ihe ọ na-abụ e chichaa mmadụ, e nwee ihe dị iche onye ahụ e chiri echichi na ndị ọzọ. Nke a bụ makana, echichi bụ ihe a na-etolu etolu, ma bụrụkwa ihe na-eme ka mmadụ nwee ugwu ma nwekwa ihe ndị dị iche ya na ndị ọzọ e nwere ike na-elegara anya dịka ogbodu. N’oge gboo ndị echichi bụ ndị a na-elegara anya n’ihe gbasara ọdị mma nke obodo, niihina onye ọbụla chiri echichi na-eso ebu ibu obodo ya n’ubu aka ya. Mana oge ugbua, ọtụtụ oge ọ na-adị ka ndị na-echi echichi ha na-echi ya ka ha were na-egosi ịma aka n’etiti ndị ọ dị ka ọ dị ha. ya mere na ọ na-adịzi ka ichi echichi ọ bụ inweta ikike ime arụ na mmadụ ịkpagbu ndị e chighi echichi na ndị ha ka mma. Ọtụtụ oge ọ na-adị ka ọ bụzi ndị chiri echichi ka a na-arịa, ebe omume ha na-adị ka ọ bụ nke eze onye agwalam.
Echichi kwesiri ịbụ ihe mmadụ ga-atụle nke ọma tupu o chie, ma bụrụkwa ihe ọ bụ onye a ma na agwa ya n’obodo, na ihe ọ bụ naanị onye tozuru etozu n’ime nke ọma kwesiri ịnabata. Ụfọdụ echichi pụrụ iche a maara aha ha a na-echi n’ala Igbo gụnyere Igwe/eze, ọzọ/nze, omenka, Amanwụrụ, ichie, Loolo/Iyom. Ọ dịkwa mkpa ịkọwa ọzọ na o nwere echichi ndị ka ibe ha ada ụda n’ime echichi ndị a niile. N’ezie, o nwere ndị n’ime ha ọ bụ naanị obodo olenaole na-echi ha, nke mere ka ọtụtụ ndị mmadụ hapụ ịma maka ha. Nke a mere a ga-eji kọwa maka echichi amanwụrụ dịka otu n’ime echichi ndị ahụ anaghị ada ụda, na nke ọ bụghị ọtụtụ obodo na-echi.
Amanwụrụ na-ama mmadụ ama tupu e chie ya onye ahụ ọ mara. Ọ bụrụ na amanwụrụ mara mmadụ, o nweghi ihe onye ahụ ọ mara na-eme ga na-agaziri ya nke ọma, naanị ma ọ zara oku ihe ahụ mara ya. Amanwụrụ na-enye onye ọ mara nsogbu. Ụdị nsogbu ọ na-enye bụ ihe dịka ịrọ nrọ ọjọọ, ihe anaghị agara onye ọ mara nke ọma ruo oge onye ahụ chiri ya bụ amanwụrụ. Niihina ọ bụghị ọtụtụ obodo na-echi amanwụrụ, ọ dịghị mfe, ikwusi ike na ọ bụ obodo nke a maọbụ nke ọzọ na-echi ya. Ma e nwere ike ịghọta na ọ bụ n’obodo ụfọdụ n’okpuru ọchịchị Idemili na Njikọka, niime stet Anambra ka a na-echi amanwụrụ. Obodo ụfọdụ a na-echi Amanwụrụ na be ha gụnyere Ọka, Ifiteanị, nakwa obodo ụfọdụ ndị ọzọ gbara ha gburugburu
Amanwụrụ bụ otu n’ime ọtụtụ echichi a na-echi n’ala Igbo. Tupu mmadụ echie amanwụrụ, ndị chiburu amanwụrụ ga-anabata onye maọbụ ndị chọrọ ichi amanwụrụ, gwa ha ihe ndị a chọrọ n’aka ha maka ichi ya bụ echichi. Onye ga-echi amanwụrụ wetachaa ihe ndị a gwara ya weta, ndị ahụ chiburu amanwụrụ, na-eke ihe ndị ahụ n’etiti onwe ha. Ụbọchị a kara ichi ya bụ echichi, a na-aga n’ama ebe a ga-echi ya, nke bụ ebede obodo ahụ. Oge e chichara mmadụ amanwụrụ, a ga-ekpunye ya okpuata maọbụ okpu e ji ọtanị were kpa n’isi. Nke a mechaa, ọ ga-agba egwu n’ọgbọ. O nwere ike si n’ọgbọ gbara egwu gawa ebe ndị ọzọ. Oge onye chiri amanwụrụ ga na-agba egwu, a ga-eji efere ọba na-ekunyere ya nri a sụrụ asụ n’ime ihe nọ ọnọdụ ka akara e jiri chi ya amanwụrụ o bu n’aka, onye ahụ na-ebugharị ya bụ amanwụrụ, a na-akụrụ ya ekwe na egwu ọ na-agba. Onye chiri amanwụrụ gbara egwu na-aga, ndị ogene akụrụ na-eso ya. Ọ gbachaa egwu, o nwekwa ihe ndị ọzọ a chọrọ n’aka onye chiri amanwụrụ, ọ ghaghị imecha ya ruo oge o mezuchara ha. onye chiri amanwụrụ gbara egwu bata be mmadụ, onye ahụ na-ewere ihe o nwere ike were mekwaa ya. Ụfọdụ ihe e nwere ike iji mekwa onye chiri amanwụrụ gụnyere akị bekee, ọka, ube, dgz. Ọ bụ oge ọ gbachara egwu na ma e mechaa ihe ndị ọzọ a ga-eme n’ebede, ka a na-agbasazi. O were bụrụ na mmadụ abụrụla onye chiri amanwụrụ. Ọ dị mkpa ime ka a mata na tupu mmadụ echie ọzọ, n’obodo ndị na-echi amanwụrụ, onye ahụ aghaghị ichigodu amanwụrụ.

Dosad Blogs

APRASA 2016 Football Competition Set to Kick Off - DOSAD Commends APRASA for the Initiative

Agulu Priests, Religious, Aspirants and Seminarians Association (APRASA) is organizing a football competition for the youths of catholic parishes in Agulu, Anaocha Local Government Area of Anambra State. It will last from 6th to 13th August 2016.

The letter made available to Fides has it that the venue for all the matches will be in St. Mary’s field at Nwagu Agulu and it is expected that each player has to be a registered member of the parish youth, mercenaries are not allowed. Again, the list of the players must be signed by the Parish Priest or the Parish Youth Chaplain.

Priests Brotherhood Sports and Recreation Club – Achieving Healthy Lifestyle

Tuesday evenings are special at St Anthony Catholic Church Enugwu-ukwu and environs. As from half hour of three in the afternoon, there is a traffic build up. You can see them – young and old, tall and short, fat and thin, huge and pint, all alighting from their cars and lacing their boot and wears, heading to the football field and volleyball court. Among them are lawyers, lecturers, coaches, administrators, musicians, engineers, architects, name them. They are however bonded by two significant binding factors-Catholic Priesthood and Sports.

ShareThis
Newsletters

Select the newsletter(s) to which you want to subscribe or unsubscribe.

Poll
Which should be the National Language for Nigeria?
HAUSA?
0%
IGBO?
100%
YORUBA?
0%
ANY OTHER?
0%
Total votes: 2
Who's online
There are currently 0 users and 1 guest online.
Syndicate
Syndicate content

Copyright © 2010 Igboniile All right reserved.